Redacción
Dous fermosos libros “Entremiradas I. Galicia-Bos Aires” e “Entremiradas II. Galicia-Cuba”, da fotógrafa Maribel Longueira e con textos de 80 escritoras e escritores de Galicia, Arxentina e Cuba, foron presentados a semana pasada no Consello da Cultura Galega no curso dun acto que presidiu Ramón Villares,Presidente da institución, e no que leron os seus textos Ánxeles Penas, Estíbaliz Espinosa, Antón Lopo e Anxos Sumai.
Os libros foron editados pola Secretaría Xeral de Emigración da Xunta de Galicia e os escritores e escritoras elaboraron os textos a partir da fotografía que lles facilitou Maribel Longueira. Na relación figuran, entre outros, Salvador García Bodaño, Eva Veiga, Marga do Val, Margarita Ledo, Miguel Anxo Fernán Vello, Miguel Barnet, Nacy Morejón, Caridad Atencio, Mirta Yáñez, Silvio Rodríguez, Víctor Freixanes, Xulio López Valcárcel, Yolanda Castaño, Luz Pozo, Xosé Luís Méndez Ferrín, Luís González Tosar, María do Cebreiro, María Rosa Lojo, Débora Campos, Rodolfo Alonso, Antonio Requeni ou Susana Torres. Nos libros, os escritores/as describen as fotos, establecendo un diálogo entre Galicia, Cuba e Bos Aires, unidas por lazos moi fortes.
Entremiradas I e II, fermosamente editados, levan senllos prólogos de Ramón Villares. “A emigración, como experiencia, non se estuda. Sábese e abonda. E por se non abondase, aquí están estes libros de olladas cruzadas e de imaxes ancoradas, para servir de recordatorio e de testemuña da grande epopea que foi a emigración galega contemporánea”, afirma o Presidente do Consello da Cultura Galega.
Maribel Longueira nace en A Coruña en 1951. Licenciada en Historia da Arte Contemporánea pola Universidade de Santiago. Desde 1972 realiza actividades de interés plástico: teatro, cerámica e pintura, centrándose na actualidade na fotografía como investigación técnica e práctica. Ten realizado numerosas exposicións personais e colectivas en España, Cuba e Francia, asi como libros de arte e outras publicacións fotográficas especializadas.
Os libros foron editados pola Secretaría Xeral de Emigración da Xunta de Galicia e os escritores e escritoras elaboraron os textos a partir da fotografía que lles facilitou Maribel Longueira. Na relación figuran, entre outros, Salvador García Bodaño, Eva Veiga, Marga do Val, Margarita Ledo, Miguel Anxo Fernán Vello, Miguel Barnet, Nacy Morejón, Caridad Atencio, Mirta Yáñez, Silvio Rodríguez, Víctor Freixanes, Xulio López Valcárcel, Yolanda Castaño, Luz Pozo, Xosé Luís Méndez Ferrín, Luís González Tosar, María do Cebreiro, María Rosa Lojo, Débora Campos, Rodolfo Alonso, Antonio Requeni ou Susana Torres. Nos libros, os escritores/as describen as fotos, establecendo un diálogo entre Galicia, Cuba e Bos Aires, unidas por lazos moi fortes.
Entremiradas I e II, fermosamente editados, levan senllos prólogos de Ramón Villares. “A emigración, como experiencia, non se estuda. Sábese e abonda. E por se non abondase, aquí están estes libros de olladas cruzadas e de imaxes ancoradas, para servir de recordatorio e de testemuña da grande epopea que foi a emigración galega contemporánea”, afirma o Presidente do Consello da Cultura Galega.
Maribel Longueira nace en A Coruña en 1951. Licenciada en Historia da Arte Contemporánea pola Universidade de Santiago. Desde 1972 realiza actividades de interés plástico: teatro, cerámica e pintura, centrándose na actualidade na fotografía como investigación técnica e práctica. Ten realizado numerosas exposicións personais e colectivas en España, Cuba e Francia, asi como libros de arte e outras publicacións fotográficas especializadas.
0 comentários :
Danos a túa opinión