T. da Rigueira
Na pasada Asemblea Extraordinaria celebrada polo BNG sucederon moitas novidades e aínda quedan outras que comezan agora o seu percorrido; poderllas contar hoxe aos lectores de A Voz de Vilalba prodúceme unha grande satisfación.
No proceso desta Asemblea deuse a maior participación histórica da súa militancia. O documento político foi longamente debatido. Entre outras cousas, nel analizábanse, por unha banda, as causas do noso fracaso electoral e pola outra a avaliación das principais medidas políticas, que no curto tempo do goberno bipartito, se puxeron en marcha, prestándolles especial atención ás que foron impulsadas desde as consellerías que foron dirixidas por políticos nacionalistas. Dun xeito moi resumido estas foron as conclusións ás que se chegaron:
O goberno bipartito e as organizacións políticas que o sustentaban non souberon transmitirlle á sociedade galega a importancia do cambio político que se estaba a producir. Imos no futuro, coa lección aprendida, a estreitar as relacións entre os planos “BNG organización política” e o plano dos/as responsables de executar a politica nas distintas institucións en que lles toque facelo. Se o diálogo é permanente, non pode nin debe haber falla de sintonía entre eles.
Na Asemblea valorouse positivamente o traballo desenvolvido polo BNG no seo do bipartito e aplaudíronse todas e cada unha das medidas que trataron de materializar as nosas potencialidades naturais, sen complexos, para que as persoas que viven na Galiza acaden un maior grao de benestar, dándolle sempre prioridade a aquelas que teñen como fin satisfacer as necesidades dos máis febles e necesitados.
Resultou moi emotiva a chegada de Quintana, a quen os delegad@s postos en pé, adicaron a maior ovación asamblearia das que eu me lembre. Despois viñeron as eleccións para que a ANE escollera cincoenta compañeir@s para o Consello Nacional, que se presentaban en catro listas e das que só dúas obtiveron o número suficiente para constituir, polos seus propios medios, candidatura á Comisión Executiva.
A novidade desta última fase da Asemblea estivo en que a candidatura +BNG quixo chegar ao fin do proceso sen pacto algún. Era o momento de que falase a militancia. De que o BNG amosase a súa pluralidade sen que se resentira a súa unidade.
Os compoñentes de +BNG, tanto os independentes como os que estamos agrupados en partidos ou colectivos, e que non temos, da nosa acción poltica, máis principio nin fin que o BNG, queremos organizarnos nunha estrutura que permita a toma de decisións de forma participativa e responsable, convidando á sociedade galega a arrimar o ombreiro e participar connosco, para que dentro do BNG, no seu proxecto común, sexamos cada día máis os que defendamos políticas de corte social demócrata pensadas e desenvolvidas en Galiza.
A simplificación da sopa de letras no seo do BNG só lle traerá máis eficacia, porque o que se está a unir, son grupos ideolóxicamente homoxéneos e, polo tanto, non mengua a súa pluralidade actual.
No proceso desta Asemblea deuse a maior participación histórica da súa militancia. O documento político foi longamente debatido. Entre outras cousas, nel analizábanse, por unha banda, as causas do noso fracaso electoral e pola outra a avaliación das principais medidas políticas, que no curto tempo do goberno bipartito, se puxeron en marcha, prestándolles especial atención ás que foron impulsadas desde as consellerías que foron dirixidas por políticos nacionalistas. Dun xeito moi resumido estas foron as conclusións ás que se chegaron:
O goberno bipartito e as organizacións políticas que o sustentaban non souberon transmitirlle á sociedade galega a importancia do cambio político que se estaba a producir. Imos no futuro, coa lección aprendida, a estreitar as relacións entre os planos “BNG organización política” e o plano dos/as responsables de executar a politica nas distintas institucións en que lles toque facelo. Se o diálogo é permanente, non pode nin debe haber falla de sintonía entre eles.
Na Asemblea valorouse positivamente o traballo desenvolvido polo BNG no seo do bipartito e aplaudíronse todas e cada unha das medidas que trataron de materializar as nosas potencialidades naturais, sen complexos, para que as persoas que viven na Galiza acaden un maior grao de benestar, dándolle sempre prioridade a aquelas que teñen como fin satisfacer as necesidades dos máis febles e necesitados.
Resultou moi emotiva a chegada de Quintana, a quen os delegad@s postos en pé, adicaron a maior ovación asamblearia das que eu me lembre. Despois viñeron as eleccións para que a ANE escollera cincoenta compañeir@s para o Consello Nacional, que se presentaban en catro listas e das que só dúas obtiveron o número suficiente para constituir, polos seus propios medios, candidatura á Comisión Executiva.
A novidade desta última fase da Asemblea estivo en que a candidatura +BNG quixo chegar ao fin do proceso sen pacto algún. Era o momento de que falase a militancia. De que o BNG amosase a súa pluralidade sen que se resentira a súa unidade.
Os compoñentes de +BNG, tanto os independentes como os que estamos agrupados en partidos ou colectivos, e que non temos, da nosa acción poltica, máis principio nin fin que o BNG, queremos organizarnos nunha estrutura que permita a toma de decisións de forma participativa e responsable, convidando á sociedade galega a arrimar o ombreiro e participar connosco, para que dentro do BNG, no seu proxecto común, sexamos cada día máis os que defendamos políticas de corte social demócrata pensadas e desenvolvidas en Galiza.
A simplificación da sopa de letras no seo do BNG só lle traerá máis eficacia, porque o que se está a unir, son grupos ideolóxicamente homoxéneos e, polo tanto, non mengua a súa pluralidade actual.
0 comentários :
Danos a túa opinión