Memoria da Chaira enteira

Redacción.- O pasado xoves, 8 de setembro, celebrouse en Outeiro de Rei o sétimo cabodano do pasamento de Manuel María. Despois do xantar de fraternidade no Restaurante Río Ladra, en Gaioso, tivo lugar un recital poético en Penas de Rodas e de seguido o prego no Cemiterio de Outeiro de Rei, este ano a cargo de Xosé Vázquez Pintor e a ofrenda floral na sepultura do noso escritor da Chaira, para rematar co rito compartido “A navalla do Manuel”.
Nesta ocasión, ea entrega correu a cargo do receptor da navalla na derradeira edición, o xornalista Xulio Xiz Ramil, ao escritor David Otero. Todo elo en presenza da súa viúva Saleta arroupada polos amigos e amigas que cada ano a acompañan.

Asemade, onte venres, no Auditorio Municipal Carmen Estévez de Vilalba celebrouse un outro acto na memoria de Manuel María organizado polo Instituto de Estudos Chairegos no que se proxectou o filme de Jorge Coira “ 18 comidas”, que contou coa asistencia do realizador lugués.
_________

Foto: Alba Sofía