Redacción.- Esta mañá tivo lugar en Vilalba un acto de reivindicación cultural, organizado polo colectivo de Anova Irmandade Nacionalista na Terra Cha. Os seus representantes esixiron ao Concello a outorgación do nome do poeta Manuel María (Outeiro de Rei, 1929 - A Coruña, 2003), cantor da Chaira e poeta nacional de Galicia, á Casa da Cultura da vila.
O voceiro desta agrupación política no acto celebrado hoxe, o vilalbés Manolo Roca, lembrou a traxectoria vital e literaria de Manuel María, autor dunha ampla obra poética traducida a varios idiomas, e que comezou a súa vida cultural en Lugo, nas tertulias de postguerra animadas por Luis Pimentel e Ánxel Fole, entre outros. Roca reivindicou a figura de Manuel María e a necesidade de que as novas xeracións teñan oportunidade de achegarse ao universo dun dos máis importantes poetas das nosas letras contemporáneas.
0 comentários :
Danos a túa opinión