Redacción. -
O venres 3 de marzo ás 19:30 horas terá lugar no salón de actos do Ateneo Ferrolán a presentación do 3° poemario de Luz Campello, a poeta de Labrada (Guitiriz) que pertence ao colectivo Nova Poesía Guitirica NPG.
O acto está organizado polo Ateneo Ferrolán e a NPG Nova Poesía Guitirica e ademáis da autora participarán o presidente de honra do Clube de Prensa de Ferrol Germán Castro Tomé, a poeta e xornalista Eva Veiga e o crego Xaquín Campo Freire.
O poemario BEN SABE O MAR QUE POSÚO O BOTÍN DAS PIRATAS está editado na colección Dombate da Editorial Galaxia sendo o terceiro de Luz Campello despois de "Do corazón da terra"(Xermolos) e "O inventario do prohibido" (Espiral Maior).
Luz Campello, reaponsabel de Traballo Social no comexo hospitalário do CHUAC, é unha referencia polo seu compromisso feminista, que reflicte tamén na súa poesía, que foi musicada en diversas ocasións por cantautores como Sandra Tenreiro ou Sonia Levedinski.
Iniciouse na poesía a través de certames da AC Xermolos de Guitiriz, foi premiada no Certame Rosalía de Castro En Euskadi e tamén foi unha das fundadoras do colectivo Nova Poesía Guitirica.
0 comentários :
Danos a túa opinión