RedacciónUnha fin de semana máis foron moitas as festas e romerías que se benefeciaron do programa posto en marcha pola vicepresidencia da Deputación de Lugo en colaboración con Caixa Galicia para promover as actuacións de grupos de música tradicional, bandas de música e corais. Nesta fin de semana o grupo de música tradicional ABRENTE amenizou as festas da parroquia de Castelo no concello de As Nogais; a banda de música de As Nogais participou nas festas de Agüeira no concello de Becerrea e o grupo de música tradicional LEÑA VERDE de Pol interpretou o seu repertorio nas festas da parroquia de Bretoña no concello chairego da Pastoriza.
Para levar a cabo este labor, a Deputación costea a actuación destes grupos musicais evitando así que as comisións de festas, principalmente as das vilas e aldeas máis pequenas, vexan reducido o seu orzamento de xeito considerable. Con esta iniciativa, a Área de Cultura pretende ofrecerlle tamén ás propias agrupacións musicais a posibilidade de actuar noutros lugares e de medrar profesionalmente xestionándolles actuacións ao longo do ano. Ademais este programa supón un importante estímulo para as agrupacións e entidades asociativas que teñen actividade musical e poden, deste xeito, amosar o seu bo facer en numerosos concellos de Lugo.
Durante os meses de xullo, agosto e setembro as solicitudes presentadas polos representantes das comisións de festas, e xestionadas pola Área de Cultura, incrementaron notablemente coincidindo coa etapa do ano na que se concentran a inmensa maioría das festas e romarías: o verán.
Para levar a cabo este labor, a Deputación costea a actuación destes grupos musicais evitando así que as comisións de festas, principalmente as das vilas e aldeas máis pequenas, vexan reducido o seu orzamento de xeito considerable. Con esta iniciativa, a Área de Cultura pretende ofrecerlle tamén ás propias agrupacións musicais a posibilidade de actuar noutros lugares e de medrar profesionalmente xestionándolles actuacións ao longo do ano. Ademais este programa supón un importante estímulo para as agrupacións e entidades asociativas que teñen actividade musical e poden, deste xeito, amosar o seu bo facer en numerosos concellos de Lugo.
Durante os meses de xullo, agosto e setembro as solicitudes presentadas polos representantes das comisións de festas, e xestionadas pola Área de Cultura, incrementaron notablemente coincidindo coa etapa do ano na que se concentran a inmensa maioría das festas e romarías: o verán.
0 comentários :
Danos a túa opinión