'Espacio Sirvent' é a nova proposta presentada por Sirvent mobiliario contemporáneo, de mans do comisario Anxo Calvo Ulloa. Situada en Gran Vía 129 de Vigo, a intención é ofrecer unha programación que aúne arte e deseño e que contemple as súas diferentes posibilidades e puntos de vista.
Exposto como unha partida de xadrez, o primeiro paso de Espacio Sirvent será o próximo 21 de setembro ás 20:00 no que o arquitecto Alfonso Penela charlará e falará das características do espazo que el mesmo deseñou para a firma viguesa.
Con este acto porase en funcionamento unha serie de propostas que até o mes de febreiro de 2012 configurarán esta primeira fase do espazo e que contarán con nomes como díez+díez deseño, da man de Javier e José Luís Díez ou o músico Carlos Quintá, entre outros.
A liña sobre a que camiñarán as intervencións foi elaborada polo equipo Sirvent e Anxo Calvo Ulloa que, nos últimos meses, han ir dando forma a unha axenda de actividades que aos poucos se irá desvelando.
0 comentários :
Danos a túa opinión