![](https://blogger.googleusercontent.com/img/b/R29vZ2xl/AVvXsEhlyob7m3C-841zbfX8dp73ry_Gisy4XABgHr12_cd8rQSP4yo3_S-Xa6voLurqEJtQGIn3oEJqCyEnjgp_L7OOA0XNbNOQaH610Vy3_kUciwivrGworSEvLzC88-FeySZD6MWhG5B219yO/s320/RVB_exposicion.jpg)
Ata o vindeiro 31 de xullo temos oportunidade de ver en Vilagarcía a exposición Roberto Vidal Bolaño, que fai un percorrido pola vida e obra do dramaturgo galego que é, ao tempo, un achegamento á historia do teatro profesional na nosa terra.
A mostra, desenvolvida pola Asociación Roberto Vidal Bolaño coa colaboración da Consellería, ofrece unha panorámica da obra do dramaturgo a través das súas personaxes, imaxes e textos.
Esta iniciativa enmárcase na programación promovida pola Xunta de Galicia para difundir entre a cidadanía a obra do autor homenaxeado nas Letras Galegas 2013.
0 comentários :
Danos a túa opinión