Exposición 'Instantes'

Redacción. -

O  Instituto  de  Estudos  Chairegos  (IESCHA),  en colaboración  co  Concello  de  Vilalba,  organiza  a exposición  INSTANTES,  con  debuxos  de  CARMEN CABANEIRO  e  fotografías  de  DELACOMBA,  que  se inaugurará  o  venres  27  de  maio  de  2022,  ás  19:00 horas,  na  sala  de  exposición  do  AUDITORIO MUNICIPAL  DE VILALBA. A  mostra  poderá  ser  visitada  no  horario  oficial  de apertura  do  Auditorio  dende  o  día  27  de  maio  ata  o  30 de  xuño. “Instantes”  é  unha  mostra  de  fotografía  e  debuxo  que  consta  de 32  trípticos  (cada  un  deles  con  unha  fotografía  de  delaComba, un  debuxo  a  grafito  de  Carmen  Cabaneiro  e  un  elemento  natural da  Chaira),  e  8  sanguinas  de  Carmen  Cabaneiro.  En  total  40 pezas  que  tematicamente  xiran  ao  redor  do  presente  e  a biodiversidade.   Instantes  de  presente  pleno,  só  un  segundo  de  vivencia auténtica,  lonxe  do  eterno  pasado-mañá  en  que  vivimos habitualmente.  Luz  repentina  que  nos  abstrae  de  todo,  que  nos leva  máis  aló  a  un  lugar  sen  nome.  Vivir  o  momento  implica aceptar  todo  o  bo  e  o  malo  que  se  nos  poida  presentar.  Implica ser  máis  conscientes  do  acontecer  que  nos  rodea  e  do  noso propio  interior.  Para  nós  a  arte  é  unha  forma  fundamental  de habitar  a  vida,  de  anclarnos  nela  e  superar  os  problemas  e  adversidades  que  ás  veces  ten…  A  beleza  que nos  rodea  na  Chaira  pode  ser  unha  chamada  á  nosa  sensibilidade  para  ser  máis  conscientes  da  necesidade de  activar  os  sentidos  e  vivir  ese  presente  fugaz.   O  mesmo  tempo  reivindicar  a  Natureza  e  a  súa  fuxitiva  integridade  nestes  tempos  de  extinción  masiva,  de espolio  do  noso  patrimonio  natural  e  do  inmenso  sufrimento  que  provocamos  ós  animais  reducindo  o  seu habitat  cada  día  ata  enfrontalos  a  unha  loita  terrible  pola  supervivencia.  Ser  conscientes  delo  lévanos  a querer  facer  algo  ainda  que  sexa  testemuñal  para  concienciármonos  da  fortuna  que  supón  compartir  a  terra con  outros  seres  vivos  e  da  necesidade  de  estimular  a  sensibilidade  para  poder  protexelos.  A  acción humana  está  tendo  fatais  consecuencias  no  cambio  climático  e  a  desaparición  da  biodiversidade,  unha traxedia  que  nos  incumbe  directamente  a  todxs  e  que  en  pouco  tempo  nos  afectará  tamén  ós  humanos.   Interpretar  o  silencio  para  poder  sentir  esa  beleza,  a  alegría  máis  tamén  a  tristeza.  Vivimos  un  mundo rápido,  moi  rápido,  que  nos  arrastra  con  vértixe  hacia  algo  que  non  é  vida,  que  nos  deshumaniza  e  nos rouba  a  nosa  esencia.  Hábitos  que  crean  problemas  de  todo  tipo  e  nos  distancian  da  felicidade.  Mundo global  sen  tempo  para  un  mesmo,  para  atender  as  necesidades  do  ánimo  e  ás  carencias  creativas  que  toda vida  humana  ten.  Rexenerarse  e  vivir  o  presente,  tan  fuxitivo,  nas  nosas  vidas.  Dialogar  co  entorno  e  tamén con  aquilo  que  levamos  dentro.  Focalizar  a  nosa  atención  no  momento  que  vivimos  agora  mesmo desprazandoa  dos  acontecementos  de  onte  ou  dos  que  poden  vir  mañá.  Para  nós  un  dos  mellores  camiños é  seguir  a  beleza  que  nos  rodea  e  que  aquí  na  Chaira  está  por  todas  partes.  As  follas  e  frores  desta exposición  forón  collidas  este  outono  a  carón  do  Azumara  e  son  un  mostra  ben  pequena  do  que  nos perdemos  cada  día  se  non  vemos  o  que  nos  mostran,  tanto  bo  como  malo.