RedacciónO Centro Sociocultural Fundación Caixa Galicia de Vigo acolle a partir de onte 25 de xuño e ata o 6 de setembro unha notable exposición sobre Leopoldo Nóvoa. A través dunha coidada escolma de obras pertencentes á Colección Caixa Galicia, preténdese salientar a achega deste pontevedrés universal á arte contemporánea. Ás portas do seu nonaxésimo aniversario, Leopoldo Nóvoa (Salcedo, 1919) preséntase coma un renovador, unha figura clave da aproximación da nosa plástica á vangarda internacional. Poderemos constatalo con “Leopoldo Nóvoa. Fondos da Colección Caixa Galicia”, na cidade olívica ata o 6 de setembro.
No proceso creativo da obra de Leopoldo Nóvoa as ideas, sensacións e pensamentos ven a luz por medio de formas, cores e texturas. Na presente exposición poderemos ver nalgunhas das súas obras materiais coma area e sobre todo cinza, que achegan volume e forma a ese mundo de decadencia, do escuro e o sinistro, que pode ser entendido coma todo o negativo que nos rodea, pero tamén coma un renacer optimista da vida. Veremos ademais matices que abarcan desde o negro máis profundo a toda unha gama de brancos pálidos, introducindo cortes, liñas e furados nas súas obras, un universo de cráteres, camiños na terra ou ata feridas. A obra de Leopoldo Nóvoa achégase máis á escultura ou á cerámica que á concepción que tradicionalmente temos da pintura. Obxectos tridimensionais de formas austeras, limpas e a miúdo monocromas espértannos sensacións e ideas máis aló do puro decorativismo da abstracción contemporánea.
Con exposicións como esta a Colección Caixa Galicia configúrase coma unha das coleccións corporativas máis importantes do Estado, unida a obxectivos de apoio á arte e ao patrimonio cultural. Pretende ser unha colección de arte contemporánea, que parte da arte galega do século XX e se abastece con fondos que transcenden xeograficamente, ofrecendo unha ampla perspectiva. A colección foise definindo na aposta polos novos valores galegos da plástica máis actual, cuxa obra comparte espazo co traballo dos seus antecesores, e recollendo interesantes achegas do ámbito español e internacional. Recentemente ampliáronse os seus fondos coa incorporación de trinta e seis novas obras, firma de Miró, Tapies, Gordillo, Chillida, Clave, Dalí, Picasso, Sorolla ou Barceló, entre outros. Na actualidade, conta con máis de 1.500 pezas.
No proceso creativo da obra de Leopoldo Nóvoa as ideas, sensacións e pensamentos ven a luz por medio de formas, cores e texturas. Na presente exposición poderemos ver nalgunhas das súas obras materiais coma area e sobre todo cinza, que achegan volume e forma a ese mundo de decadencia, do escuro e o sinistro, que pode ser entendido coma todo o negativo que nos rodea, pero tamén coma un renacer optimista da vida. Veremos ademais matices que abarcan desde o negro máis profundo a toda unha gama de brancos pálidos, introducindo cortes, liñas e furados nas súas obras, un universo de cráteres, camiños na terra ou ata feridas. A obra de Leopoldo Nóvoa achégase máis á escultura ou á cerámica que á concepción que tradicionalmente temos da pintura. Obxectos tridimensionais de formas austeras, limpas e a miúdo monocromas espértannos sensacións e ideas máis aló do puro decorativismo da abstracción contemporánea.
Con exposicións como esta a Colección Caixa Galicia configúrase coma unha das coleccións corporativas máis importantes do Estado, unida a obxectivos de apoio á arte e ao patrimonio cultural. Pretende ser unha colección de arte contemporánea, que parte da arte galega do século XX e se abastece con fondos que transcenden xeograficamente, ofrecendo unha ampla perspectiva. A colección foise definindo na aposta polos novos valores galegos da plástica máis actual, cuxa obra comparte espazo co traballo dos seus antecesores, e recollendo interesantes achegas do ámbito español e internacional. Recentemente ampliáronse os seus fondos coa incorporación de trinta e seis novas obras, firma de Miró, Tapies, Gordillo, Chillida, Clave, Dalí, Picasso, Sorolla ou Barceló, entre outros. Na actualidade, conta con máis de 1.500 pezas.
0 comentários :
Danos a túa opinión