Redacción
A Xunta de Goberno do Colexio Profesional de Xornalistas de Galicia (CPXG) amosou hoxe a súa satisfacción pola decisión do Tribunal Supremo de ordenarlle á Audiencia Nacional a reapertura da investigación pola morte do cámara galego de Telecinco, José Couso, no Hotel Palestine de Bagdad, en abril de 2003. O CPXG xa expresara a súa protesta en xullo de 2009, cando a Audiencia Nacional revogou por segunda vez o procesamento de tres militares estadounidenses e ordenou o peche do caso, ao entender que esta medida deixaba na impunidade a morte de Couso.
O Colexio de Xornalistas chamara a atención sobre o feito de que o auto concedese maior credibilidade ao informe do Mando Central Norteamericano ca ás testemuñas españolas, en especial cando estas son catro xornalistas. O CPXG agarda que a reapertura do caso sirva para depurar as responsabilidades no pasamento do cámara galego, que se atopaba no hotel no que se aloxaba toda a prensa internacional, e para que a súa morte no quede impune.
José Couso Permuy naceu en Ferrol no ano 1965. Licenciado en Ciencias da Información e Ciencias da Imaxe pola Universidade Complutense de Madrid, finou o 8 de abril de 2003 durante a invasión de Irak cando un carro de combate de Estados Unidos disparou contra o Hotel Palestine de Bagdad. Nese ataque tamén morreu o reporteiro da axencia Reuters Taras Protsyuk. O Colexio Profesional de Xornalistas de Galicia (CPXG) entrega anualmente o premio á liberdade de prensa que leva o nome de José Couso, coa colaboración do Club de Prensa de Ferrol e Caixanova.
O Colexio de Xornalistas chamara a atención sobre o feito de que o auto concedese maior credibilidade ao informe do Mando Central Norteamericano ca ás testemuñas españolas, en especial cando estas son catro xornalistas. O CPXG agarda que a reapertura do caso sirva para depurar as responsabilidades no pasamento do cámara galego, que se atopaba no hotel no que se aloxaba toda a prensa internacional, e para que a súa morte no quede impune.
José Couso Permuy naceu en Ferrol no ano 1965. Licenciado en Ciencias da Información e Ciencias da Imaxe pola Universidade Complutense de Madrid, finou o 8 de abril de 2003 durante a invasión de Irak cando un carro de combate de Estados Unidos disparou contra o Hotel Palestine de Bagdad. Nese ataque tamén morreu o reporteiro da axencia Reuters Taras Protsyuk. O Colexio Profesional de Xornalistas de Galicia (CPXG) entrega anualmente o premio á liberdade de prensa que leva o nome de José Couso, coa colaboración do Club de Prensa de Ferrol e Caixanova.
0 comentários :
Danos a túa opinión