RedacciónO delegado de Deporte da Deputación de Lugo, o nacionalista Antonio Veiga, visitou o pasado 23 de agosto aos participantes nas xornadas Internacionais de adestramento que se están a desenvolver no auditorio de Vilalba, unha actividade que se desenvolve para achegar aos loitadores de Galiza cos profesionais a nivel internacional, para que deste xeito os galegos poidan aprender e convivir con eles.
Nesta ocasión, as xornadas contan con Alexis Rodríguez, un dos loitadores máis recoñecidos a nivel mundial, que ten no seu poder o título de campión do mundo no 98 sénior e bronce na Olimpíada de Sydney, entre outros. Como explicou Iván Castro, adestrador das escolas, “Alexis ten como obxectivo principal adestrar e axudar a mellorar a José Cuba, que loitará o 12 de setembro no campionato do mundo, e a estancia do loitador cubano tamén se aproveita para que outros deportistas, como José Luis Puentes, tamén do Clube de Vilalba, preparen a súa participación nos campionatos do mundo universitarios, que terán lugar este ano en Italia”.
Antonio Veiga deu os “parabéns tanto ao clube de loita como á Federación polo traballo que están facendo por este deporte, co que a Área colabora de moi bo grao xa que nestes tempos é difícil pero non deixa de ser importante darlle a difusión que se merece á este tipo de actividades”.
Alexis Rodríguez é o segundo deportista internacional que é convidado a estas xornadas organizadas polo club vilalbés e coas que colabora a Área de Deportes da Deputación, que comezaron hai un mes e medio coa presenza do ucraíno Sergey Priadum.
Nesta ocasión, as xornadas contan con Alexis Rodríguez, un dos loitadores máis recoñecidos a nivel mundial, que ten no seu poder o título de campión do mundo no 98 sénior e bronce na Olimpíada de Sydney, entre outros. Como explicou Iván Castro, adestrador das escolas, “Alexis ten como obxectivo principal adestrar e axudar a mellorar a José Cuba, que loitará o 12 de setembro no campionato do mundo, e a estancia do loitador cubano tamén se aproveita para que outros deportistas, como José Luis Puentes, tamén do Clube de Vilalba, preparen a súa participación nos campionatos do mundo universitarios, que terán lugar este ano en Italia”.
Antonio Veiga deu os “parabéns tanto ao clube de loita como á Federación polo traballo que están facendo por este deporte, co que a Área colabora de moi bo grao xa que nestes tempos é difícil pero non deixa de ser importante darlle a difusión que se merece á este tipo de actividades”.
Alexis Rodríguez é o segundo deportista internacional que é convidado a estas xornadas organizadas polo club vilalbés e coas que colabora a Área de Deportes da Deputación, que comezaron hai un mes e medio coa presenza do ucraíno Sergey Priadum.
0 comentários :
Danos a túa opinión