XVIII Festival do Revoltallo

Redacción.-

Un ano máis está de volta o Revoltallo, desta vez coa edición número dezaoito, entre os días 17 e 21 de Agosto. Nesta edición volvemos a subir ó Monte do Pozos de Valladares (Vigo), un lugar entrañable tanto pola situación incomparable, coas Illas Cies como paisaxe de fondo, como polo ambiente reinante.
Ademáis dos días de concertos, voltamos a comezar o festival cun desfile de moda, no que os mozos e mozas mostraránnos a roupa de varias tendas, entre as que se atopan Westpeak ou Novalvos, ademáis de pases de bañadores e roupa interior ou mesmo de traxes de noiv@s. Isto será o mércores 17 de Agosto.
O xoves comenzan os concertos. Nesta edición adicando este primeiro día ó estilo Pop-Rock, con bandas da nosa cidade: “Caraba”, “Vicious View”, “The unnamed”, “Stoika” e “Pisotes” ademáis dos santiagueses “Glasgow” gañadores do concurso MúsicaXove na categoría de Pop.
O venres como é habitual chega o día do Metal, actuando desta vez bandas de ámbito estatal. Estes son: “Diabulus in Musica”, “Darkness by Oath”, “Mutant Squad”, “Upcoming of Devastation” e “Dark Eternity”.
Tócalle de novo ó sábado o día Tecno, con catro DJ´s que nos aportarán a súa experiencia ata altas horas da noite. Contaremos con “Lorena RK”, “Carlos DL”, “Javier Soengas” e “JosK” da man de Coolwork e Tecnofilos.
O domingo adicarase o día ó Hardcore/Metal, con dúas bandas lusas “More than a Thousand” e “Before the Torn”, ademáis doutras bandas do panorama nacional, os “Saldos Arias” teloneiros de Bad Religion na súa actuación en Vigo, “Losthopes”, “Carcomedhi” e “Rocking for Tangas”.
Ademáis de todos estes concertos, como é habitual tamén haberá outras actividades paralelas como o mítico obradoiro de espadas, concentración percutiva, ou xogos de rol.
Acentuar que seguimos na nosa liña, ofrecendo un festival de cinco días totalmente gratuito, tanto na entrada ó festival como á zona de acampada, con bos prezos no bar da organización e moitas ganas de facer boa festa. todos no Monte dos Pozos estes días de Agosto. Recordar, do 17 ó 21, de mércores a domingo.