Redacción.- A Asociación de Empresarios de Artes
Gráficas de Galicia (AEAGG) preparou este ano un completo programa de actos para celebrar
a festividade de San Juan Ante Portam Latinam, patrón das artes
gráficas. A cita foi hoxe no Museo de Arte
Contemporánea de Vigo (MARCO) e deu comezo ás 12:30 horas cunha
homenaxe -que tivo lugar no salón de actos- a cinco empresas cunha dilatada
experiencia no sector gráfico galego.
O acto estivo presidido por Jacobo
Bermejo, presidente da AEAGG; Carlos López Font, segundo tenente de alcalde do
Concello de Vigo; Santos Héctor Rodríguez, concelleiro de Participación
Cidadán, Emprego e Promoción Económica; e Carlos Docampo e
Eladio Durán, vicepresidente e tesoureiro da directiva da Asociación,
respectivamente.
As empresas homenaxeadas pola súa
longa traxectoria no sector foron:
-
Prelo, Lugo (1980)
-
Gráficas Garabal, Santiago de Compostela (1981)
-
Tórculo Artes Gráficas, Santiago de Compostela (1981)
-
Grafisant, Santiago de Compostela (1984)
- Gráficas Ibernón, Vigo (1986)
Posteriormente, empresarios e provedores compartiron mesa no tradicional xantar de confraternidade, que terá lugar ás 14:30 h no
restaurante do MARCO. A xornada festiva rematou cunha visita ao Centro Arqueolóxico Salinae. A Asociación de Empresarios de Artes
Gráficas de Galicia agradeceu este ano de xeito especial a colaboración das seguintes empresas e entidades,
que participan no financiamento e/ou organización dos actos do Día do Patrón:
Grupo Academia Postal, Galiza Verde, Hartmann, Cyan, Antalis, Inapa e ao Concello
de Vigo.
0 comentários :
Danos a túa opinión