Premio Internacional Máximo Ramos 2016

Redacción.-

O obxectivo do 24 Premio Internacional de Gráfica Máximo Ramos 2016, que se realiza con carácter bianual, é dar testemuño do dinamismo e a pluralidade da gráfica actual desde a perspectiva da arte contemporanea múltiple e seriada. Esta convocatoria constitúe, así mesmo, unha oportunidade para a consolidación e enriquecemento dos fondos de arte do Centro Torrente Ballester. O carácter de convocatoria pública vén dado pola publicación das bases no Diario Oficial de Galicia (DOG) e na páxina web www.ferrol.es.

Condicións de participación e procesos admitidos:

- Poderán participar no certame artistas de calquera nacionalidade e país de residencia.

- O certame está aberto a todos os procesos gráficos tradicionais ou experimentais, incluídos os dixitais, o vídeo, a fotografía e a instalación, con intervencións directas ou combinadas con calquera outro procedemento, sen condicións de tamaño. Admítense polípticos, obras seriadas, probas únicas, variacións...

- Cada participante poderá presentar de 2 a 6 obras pertencentes a unha mesma familia ou serie, ou unha soa obra seriada completa formada por varias pezas.

- Concederase un único premio de 7.000 euros (impostos engadidos). O xurado poderá outorgar unha ou varias mencións honoríficas.

Preselección: Os candidatos enviarán o formulario de participación ao correo electrónico premiomr@ferrol.es, do 15 ao 30 de marzo de 2016.

Para máis información descarga as bases completas e o formulario de participación en www.centrotorrenteballester.com ou en www.ferrol.es.

24 PMR 2016
Centro Torrente Ballester
Rúa Concepción Arenal, s/n
15402 Ferrol (A Coruña)
España