Redacción. -
O Instituto de Estudos Chairegos (IESCHA) foi admitido para participar no Programa “Coñece a túa Provincia’2022”, convocado pola Deputación de Lugo, co seguinte CONTIDO (sempre suxeito a algún cambio): • A viaxe terá lugar o xoves 26 de maio de 2022, con saída dende a Casa da Cultura de Vilalba ás 9,15 AM. • Ás 10:00 terá lugar unha visita ao Pazo de San Marcos, sede da Deputación. • A continuación levarase a cabo o Programa da Ruta concedida: • RUTA 13 (TABOADA, CHANTADA) Visita á igrexa de San Pedro de Bembibre ou á igrexa de Taboada dos Freires e visita á área recreativa de Ponte Mourulle (Taboada), visita ao casco histórico de Chantada, igrexa de Nogueira de Miño (Chantada) e a unha adega. • SERVIZOS INCLUÍDOS: A excursión será de balde e incluirá transporte, guía acompañante, xantar (menú pechado cun primeiro prato, segundo prato, sobremesa, café ou infusión e as bebidas indicadas o propio día da excursión), entradas aos lugares de visita e seguro de viaxeiros. • *Recoméndase a todas as persoas participantes levar roupa e calzado cómodo/deportivo para a xornada de excursión. Por todo elo, o Instituto de Estudos Chairegos abre un prazo de inscrición para socios e socias do Iescha e outras persoas que desexen participar na referida viaxe coas seguintes consideracións: PROCEDEMENTO DE INSCRICIÓN • PRAZAS CONCEDIDAS: 23 • PRAZAS QUE SE POÑEN A DISPOSICIÓN DE SOCI@S E NON SOCI@S: 20 • Nº DE PRAZAS RESERVADAS: 3 (PARA ORGANIZACIÓN) • PRAZO DE INSCRICIÓN: DO 2 AO 13 DE MAIO DE 2022 (AMBOS INCLUSIVE) • MEDIO DE INSCRICIÓN: SOLICITUDE AO CORREO ELECTRÓNICO DO IESCHA estudoschairegos@gmail.com (único medio) • NÚMERO MÁXIMO DE PERSOAS EN CADA SOLICITUDE: 2 • DATOS OBRIGATORIOS DE CADA PERSOA SOLICITANTE: NOME, APELIDOS, DNI E TELÉFONO (SE HAI ALGÚN MENOR DE IDADE HAI QUE FACELO CONSTAR) (TAMÉN SE PODE FACER CONSTAR ALGUNHA NECESIDADE ESPECIAL -alerxia alimentaria, etc-) PROCEDEMENTO DE ADMISIÓN • AS 20 PRAZAS SERÁN ADXUDICADAS MEDIANTE SORTEO PÚBLICO ENTRE AS SOLICITUDES PRESENTADAS. • LEVARASE A CABO NO LOCAL DO IESCHA (NA CASA DA CULTURA) O LUNS 16 DE MAIO DE 2022, ÁS 18:00. • TERÁN ABSOLUTA PREFERENCIA NO SORTEO OS SOCIOS E AS SOCIAS DO IESCHA. • RESULTADO DO SORTEO SERÁ COMUNICADO A CADA SOLICITANTE MEDIANTE UNHA MENSAXE AO CORREO ELECTRÓNICO USADO NA INSCRICIÓN.
0 comentários :
Danos a túa opinión