RedacciónA “Plataforma en defensa do uso público do mosteiro de Celanova” convida a todo aquel que queira participar aos actos reivindicativos que se celebrarán o vindeiro sábado 26 na vila de Celanova. Os actos desenvolveranse ao longo da tarde, de acordo co seguinte horario:
17:30 Presentación do libro “En defensa do Poleiro. A voz dos escritores galegos en Celanova reclama o uso público do mosteiro”.
18:30 Presentación do vídeo promocional do IES de Celanova “O IESplicable”, realizado por encargo da Plataforma, e dirixido por Bruno Nieto.
19:00 Manifestación que transcorrerá pola rúas da vila, e lectura dun Manifesto na praza Maior ao remate da mesma.
Segundo eles mesmos manifestan, os organizadores queren poder dicirlle ao alcalde de Celanova con voz clara e alta que non se vai consentir que o Instituto e o Centro de Servizos Sociais sexan desaloxados do Mosteiro; que defenderán con todas as súas forzas o uso público do patrimonio, que aproveitará neste caso á formación de calidade dos nenos desa comarca, aos maiores, a tódolos veciños da vila e da comarca e tamén a todos aqueles que, por unha ou outra causa, se acheguen a visitalo nalgún momento.
0 comentários :
Danos a túa opinión