Redacción
Polas rúas de Vilalba puideron verse onte os membros do Sindicato Labrego Galego, que tamén participou na xornada de folga xeral en distintas manifestacións e concentracións reivindicativas que tiveron lugar a partires das 11:30hrs. aproximadamente, nas vilas de Betanzos, Ordes, Vilalba, A Estrada e Ourense. Segundo este colectivo as solucións que se están a dar para facer fronte á crise económica non só non son as adecuadas, senón que estanse a facer a costa e ás costas da cidadanía.
Para eles outro modelo económico e social é posible e, ademais, necesario, imprescindíbel. E no caso concreto das labregas e labregos, outra Política Agraria Común (PAC) é tamén necesaria, no marco da soberanía alimentaria apostando pola regulación de mercados e producións que garantan prezos mínimos que nos permitan vivir do noso traballo.
Neste senso, a Secretaria Xeral do SLG, Carme Freire, reiterou o pasado luns 27 de setembro en rolda de prensa a denuncia do desmantelamento dos servizos públicos de proximidade, facendo fincapé na difícil situación que esta tendencia está a crear no medio rural. C. Freire condenou ademais a hipocrisía de que este recorte de servizos mediante a privatización estea a ser presentado como “medidas para facer fronte á crise”.
Por outra banda, sinalou, poñer como solución a unha crise económica a redución e deslocalización da xestión das pensións de xubilación -sendo as do agro das máis baixas de tódolos sectores- significa ceder os cartos públicos, e o noso futuro, aos poderes especulativos. Non se pode solucionar unha crise comprometendo o benestar das persoas.
Por iso consideran necesario abordar de xeito contundente o feito de que unha banca pública é hoxe en día máis necesaria ca nunca. Se as doses de “inxeccións de liquidez” administradas ás entidades bancarias para o seu “rescate” tiveran sido invertidas na creación dunha banca pública, hoxe en día a cidadanía disporía de acceso a crédito.
Para eles outro modelo económico e social é posible e, ademais, necesario, imprescindíbel. E no caso concreto das labregas e labregos, outra Política Agraria Común (PAC) é tamén necesaria, no marco da soberanía alimentaria apostando pola regulación de mercados e producións que garantan prezos mínimos que nos permitan vivir do noso traballo.
Neste senso, a Secretaria Xeral do SLG, Carme Freire, reiterou o pasado luns 27 de setembro en rolda de prensa a denuncia do desmantelamento dos servizos públicos de proximidade, facendo fincapé na difícil situación que esta tendencia está a crear no medio rural. C. Freire condenou ademais a hipocrisía de que este recorte de servizos mediante a privatización estea a ser presentado como “medidas para facer fronte á crise”.
Por outra banda, sinalou, poñer como solución a unha crise económica a redución e deslocalización da xestión das pensións de xubilación -sendo as do agro das máis baixas de tódolos sectores- significa ceder os cartos públicos, e o noso futuro, aos poderes especulativos. Non se pode solucionar unha crise comprometendo o benestar das persoas.
Por iso consideran necesario abordar de xeito contundente o feito de que unha banca pública é hoxe en día máis necesaria ca nunca. Se as doses de “inxeccións de liquidez” administradas ás entidades bancarias para o seu “rescate” tiveran sido invertidas na creación dunha banca pública, hoxe en día a cidadanía disporía de acceso a crédito.
0 comentários :
Danos a túa opinión