RedacciónRepresentantes da Plataforma Galega Antitransxénicos (PGA) mantiveron na mañá de do pasado 16 de setembro o primeiro dos encontros solicitados cos grupos políticos do Parlamento de Galicia co obxectivo de coñecer de que xeito se concretaron as medidas acordadas no 2008, así coma o seu novo abordamento en maio deste ano. Logo da reunión dese día co grupo parlamentar do PPdG, o vindeiro mércores 22 de setembro será a quenda de PSdG e BNG.
Os voceiros da PGA – Analía Moares (Amigos da Terra), Charo Sánchez (Sindicato Labrego Galego) e Adolfo Naia (CIG Servizos)- foron recebidos pola vogal do grupo parlamentar do Partido Popular, María Isabel García Pacín, na súa calidade de membra da Comisión Parlamentar de Agricultura, Alimentación, Gandaría e Montes, acompañada polo diputado popular Jesús Goldar Güimil.
Neste encontro, a Plataforma Galega Antitransxénicos trasladou a necesidade de aclarar cal é o posicionamento do Goberno Galego e, neste caso, concretar o do Partido Popular, ao respeito da liberación ao medioambiente de organismos xeneticamente modificados, sinalando que malia a que a propia consellería realizou alegacións ao campo experimental realizado en Mesía, semella non apreciarse ningún tipo de actuación efectiva por parte da Administración galega.
Lamentando a ausencia de fluidez de información nesta materia entre Administración e sociedade, os voceiros da PGA achegaron a existencia de novas ferramentas para facer fronte aos OXM´s, exemplificadas na recente declaración de zona libre de transxénicos realizada pola illa de Madeira o pasado mes de xullo.
Por outra banda, Pacín e Goldar -que se declararon coñecedores da polémica que arrodea os organismos modificados xeneticamente- coincidiron coa PGA en valorar que, a día de hoxe, a etiquetaxe e trazabilidade dos alimentos transxénicos é totalmente insuficiente, eido no que manifestaron que cómpre traballar, ao tempo que asumiron que “existen moitos baleiros” na totalidade da lexislación nesta materia.
Dende a PGA insisten en que nestes momentos a nivel europeo está a haber reaccións en materia de lexislación, polo que o posicionamento do Goberno galego a este respeito ten que ser dado a coñecer á cidadanía inmediatamente. Neste senso, os representantes do Partido Popular comprometéronse a realizar unha “transmisión de urxencia” á Consellaría do Medio Rural solicitando información ao respeito das medidas que deberían estar a desenvolverse. Comprometéronse tamén a abrir unha liña de traballo parlamentario coa Plataforma Galega Antitransxénicos a través do mantemento de reunións periódicas coas/cos seus representantes.
Desde a PGA consideran que xa houbo un prazo para iniciar alomenos unhas primeiras medidas, e tentarán intensificar a loita social para impedir que os organismos xeneticamente modificados invadan o noso País axudados pola lasitude da Administración.
COLECTIVOS INTEGRANTES DA PLATAFORMA GALEGA ANTITRANSXÉNICOS
A Gradicela , A Xoaniña, AC Caleidoskopio, AC Foucelhas, ADEGA, ADENCO, AGHU, APEGA, Altermundo, Alternativas Nómadas, Amigos da Terra, Anacos da Cidade, Árbore, Asoc. Cultural Meiro, Asoc. Verea, AV Minas de Brea, CIG Servizos, CRAEGA, CS A Esmorga, CS A Gentalha do Pichel, CS A Revolta, CS Arrincadeira, Coto do Frade, Cova da Terra, Eirado, Erva, Eucaliptos Non, FEG, FugaEmRede, Fundación Sen Esquencer, Greenpeace, Implicadas no Desenvolvemento, Info-Transxenicos Tui, O Bandullo Ecolóxico, O Grelo Verde, Periodismo Consciente, Rede de Consumo Consciente, SPD Ponte Mazaira, Saramaganta, Semente, Sindicato Labrego Galego, tenda Ecoenvío, Grupo de Investigacion GIEEA Universidade Vigo, Verdegaia, Veterinarios Sen Fronteiras e Véspera de nada.
Os voceiros da PGA – Analía Moares (Amigos da Terra), Charo Sánchez (Sindicato Labrego Galego) e Adolfo Naia (CIG Servizos)- foron recebidos pola vogal do grupo parlamentar do Partido Popular, María Isabel García Pacín, na súa calidade de membra da Comisión Parlamentar de Agricultura, Alimentación, Gandaría e Montes, acompañada polo diputado popular Jesús Goldar Güimil.
Neste encontro, a Plataforma Galega Antitransxénicos trasladou a necesidade de aclarar cal é o posicionamento do Goberno Galego e, neste caso, concretar o do Partido Popular, ao respeito da liberación ao medioambiente de organismos xeneticamente modificados, sinalando que malia a que a propia consellería realizou alegacións ao campo experimental realizado en Mesía, semella non apreciarse ningún tipo de actuación efectiva por parte da Administración galega.
Lamentando a ausencia de fluidez de información nesta materia entre Administración e sociedade, os voceiros da PGA achegaron a existencia de novas ferramentas para facer fronte aos OXM´s, exemplificadas na recente declaración de zona libre de transxénicos realizada pola illa de Madeira o pasado mes de xullo.
Por outra banda, Pacín e Goldar -que se declararon coñecedores da polémica que arrodea os organismos modificados xeneticamente- coincidiron coa PGA en valorar que, a día de hoxe, a etiquetaxe e trazabilidade dos alimentos transxénicos é totalmente insuficiente, eido no que manifestaron que cómpre traballar, ao tempo que asumiron que “existen moitos baleiros” na totalidade da lexislación nesta materia.
Dende a PGA insisten en que nestes momentos a nivel europeo está a haber reaccións en materia de lexislación, polo que o posicionamento do Goberno galego a este respeito ten que ser dado a coñecer á cidadanía inmediatamente. Neste senso, os representantes do Partido Popular comprometéronse a realizar unha “transmisión de urxencia” á Consellaría do Medio Rural solicitando información ao respeito das medidas que deberían estar a desenvolverse. Comprometéronse tamén a abrir unha liña de traballo parlamentario coa Plataforma Galega Antitransxénicos a través do mantemento de reunións periódicas coas/cos seus representantes.
Desde a PGA consideran que xa houbo un prazo para iniciar alomenos unhas primeiras medidas, e tentarán intensificar a loita social para impedir que os organismos xeneticamente modificados invadan o noso País axudados pola lasitude da Administración.
COLECTIVOS INTEGRANTES DA PLATAFORMA GALEGA ANTITRANSXÉNICOS
A Gradicela , A Xoaniña, AC Caleidoskopio, AC Foucelhas, ADEGA, ADENCO, AGHU, APEGA, Altermundo, Alternativas Nómadas, Amigos da Terra, Anacos da Cidade, Árbore, Asoc. Cultural Meiro, Asoc. Verea, AV Minas de Brea, CIG Servizos, CRAEGA, CS A Esmorga, CS A Gentalha do Pichel, CS A Revolta, CS Arrincadeira, Coto do Frade, Cova da Terra, Eirado, Erva, Eucaliptos Non, FEG, FugaEmRede, Fundación Sen Esquencer, Greenpeace, Implicadas no Desenvolvemento, Info-Transxenicos Tui, O Bandullo Ecolóxico, O Grelo Verde, Periodismo Consciente, Rede de Consumo Consciente, SPD Ponte Mazaira, Saramaganta, Semente, Sindicato Labrego Galego, tenda Ecoenvío, Grupo de Investigacion GIEEA Universidade Vigo, Verdegaia, Veterinarios Sen Fronteiras e Véspera de nada.
0 comentários :
Danos a túa opinión