Xosé Constenla vía Crowfunding

Redacción.-

Xosé Constenla (Compostela, 1980) adícase á canción de autor dende o ano 1997. Tal e como el mesmo sinala no perfil artístico do seu blog (xoseconstenla.blogspot.com), “asume con naturalidade a definición de cantautor” porque, engade, “se canta é porque, na natureza poética e literaria da realidade, sente que aínda estamos a tempo de transformar determinadas estruturas e correntes perversas e inxustas, por domésticas que sexan”.

Con estas referencias gravou os seus dous primeiros traballos discográficos: Quen fixo berrar ao silencio (2004) e Olladas dun entusiasta (2008). Para iso, empregou o seu propio selo discográfico –Setestrelo Editora- fuxía de incómodo corsés empregando licenzas libres –Creative Commons- e a súa múscia pódese descargar de balde no seu blog.

Despois de 16 anos de carreira musical por distintos cafés, salas e teatros da Península Ibérica e tras unha serie de concertos durante o que vai de 2013 acompañado polo pianista Javier Constenla, o cantautor compostelano vai gravar o seu terceiro traballo discográfico. Desta vez será ao vivo e en directo, rodeado dunha banda no Salón Teatro de Compostela o vindeiro día 28 de xuño (entradas proximamente á venda en http://entradas.novagaliciabanco.es/).

Precisamente, este proxecto xurde dun período de reflexión despois de escoitar de “amigos e compañeiros de oficio”, en distintas ocasións, “o moitoa que gaña a miña música cando a interpreto en directo” e, engade, “os discos (anteriores) nos reflexan a potencia das composicións”. Isto foi o que levou a Xosé Constenla a rodearse de artistas que teñen sido unha referencia musical para a súa carreira (como o cantautor madrileño Javier Bergia) e sair do Salón Teatro cun disco baixo o brazo.

Porén, nos tempos que corren as cousas non son tan doadas. “Non son tempos para que unha discográfica financie o teu disco e, moito menos aínda, se te declaras abertamente cantautor”. Por iso, Constenla buscou mecanismos alternativos para poder desenvolver o proxecto. No proceso de búsqueda atopouse co portal Verkami, un sitio web adicado a buscar apoios para proxectos culturais a partir de campañas de crowdfunding.

O crowdfunding é “unha campaña pública para recoller achegas económicas dirixidas a apoiar un proxecto social ou cultural determinado”, di Xosé Constenla. Neste sentido, o promotor aloxa nun portal determinado o seu proxecto, informando de todos os detalles que considere oportunos.

Se a plataforma de aloxamento do proxecto dá luz verde ao proxecto, entón o promotor conta cunha web persoal onde calquera persoa ode acceder para facer a súa achega. O promotor debe poñer unha cantidade económica que aspira conseguir. Para iso conta con 40 días.

Así, as persoas que queiran participar actuarán como “micro-mecenas” ou co-productoras no sentido en que achegarán unha cantidade económica determinada a cambio do que poderiamos chamar unha “recompensa”. Estas recompensas e máis información do proexecto pódese consultar en http://www.verkami.com/projects/5483-xose-constenla-disco-ao-vivo

Se transcorrido ese tempo non se consigue a cantidade solicitada, o promotor non poderá contar cos fondos que se teñan recadado ata o momento e os micro-mecenas non realizarán a súa aportación, é dicir, se non se consigue a cantidade solicitada non se realizará ningún cargo ás persoas que teñan feito achegas.

No caso do proxecto de Xosé Constenla, solicítanse nesta campaña unha cantidade de 3.150 euros. Tendo en conta que a cantidade media de aportación segundo as distintas plataformas onde se realizan proxectos de crowdfundung é de 20 euros, estamos falando de conseguir uns 200-210 “co-productores”.