Redacción. -
Resulta imperativo volver á "nova normalidade" aplicando sen dilación medidas que pacifiquen o tráfico e repartan de forma equitativa os espazos públicos. Isto só é posible abandonando a lóxica de desenvolvemento que basa a mobilidade na acumulación asfalto e formigón que converte ao automóbil no dono da cidade. No seu protagonismo o automóbil reclama cada vez máis espazo creando deste xeito cidades difusas que se expanden sen presión demográfica e afástanse progresivamente da cidadanía. Como consecuencia nos últimos 30 anos duplicouse o número de quilómetros que necesitan percorrer as persoas cada día. Debemos ter presente que a mobilidade só é un medio, o fin é a accesibilidade e para volver achegar a cidade á cidadanía temos que cuestionarnos o espazo físico en que se desenvolven os seus desexos e as súas necesidades, fomentando a súa participación activa no proceso de deseño da propia cidade.
Máis información en: www.ecologistasenaccion.org
0 comentários :
Danos a túa opinión