Libro Galego do Ano

Redacción. -

Radiofusión iniciou o proceso participativo para escoller antes do remate deste 2021 o “libro galego do ano”. Oíntes da radio e internautas poderán votar entre os 40 títulos propostos que foron os abordados ao longo do exercicio no programa “Clube de leitura” que todas as semanas emite a rede galega da radio local. Poderá emitir cada persoa só un voto a través das redes sociais de twitter (Radiofusionga e Radio Fene) facebook (Radiofusión e A Fenestra de Radio Fene) e Instagram (Radio Fene). Entre as persoas participantes sortearanse 5 lotes de 5 libros cada un. O período de votación está aberto ata as 12 horas do xoves 30. O venres 31 darase a coñecer o Libro Galego do Ano 2021 e máis as 5 persoas participantes afortunadas que recibirán o agasallo.

Pódese votar por calquera dos libros incluídos na lista do remate(1)

Clube de leitura

“Clube de leitura” é un programa radiofónico de divulgación do libro. Intenta captar novos públicos para a literatura galega. O formato é dun diálogo sobre un libro “cara a cara” entre persoas lectoras e o autor ou autora. Ao longo do 2021, gravouse o programa nos estudios de Radio Fene, Radio Culleredo, Ames Radio e Radio Redondela. Emítese todos os xoves a través das emisoras municipais pero tamén se pode escoitar o podcast na web www.radiofusion.gal

Libros pre-seleccionados:

Xoan Rubia. Pasaba por alí e quedei un intre.

Diego Ameixeiras. O cervo e a sombra.

Ledicia Costas. Infamia

Anxos Garcia e Glafira Fernández. Encanta se ir, conmove se chora

Héctor Carre. Medos.

Xoaquín Fernández Leiceaga. Baixo as alas de abril.

Xosé Luís Vázquez Somoza. O conserxe.

Arantza Portabales.  A vida secreta de Úrsula B.

Ignacio Vidal Portabales. Lara e Sabela

Charo Pita. O cuarto de Jane.

Andrea Maceiras. A folla azul.

Maria Rei Vilas. Flores de ferro.

Eva Veiga. E Baldo Ramos.  Quérote canto.

Antonio M.Fraga.Santoamaro.

Rafael Catoira. O escultor.

Angeles Goás e Leandro Lamas. O asubío do avó.

Xavier Quiroga. O baile de estorniños.

Manuel Bragado e Daniel Puente. Contos de obxectos. 1

Xosé Manuel Pereiro. Reboiras.

Francisco Leira. Soldados forzosos.

Xosé Iglesias. Nación-mar.

Xavier Seoane. Canción para Ana Lúa.

Antonio Reigosa. Contrahistorias de Galicia.

Rexina Vega. O estado intermedio.

Manuel Gago. Nus.

Xavier Seoane. Dicionario irreal para un país imposible.

Marilar Aleixandre e María López Sández. Movendo os marcos.

Xosé Luís Axeitos. Aproximacións a Manoel Antonio.

Raquel Vila-Amado e Tomás González Ahola (editores) O porco de pé. Vicente Risco.

Daniel Salgado. Os paxaros e outros poemas.

Carlos Negro. Non cantan paxaros neste bosque.

Aurora Marco. Irmandiñas.

Xosé Ramón Freixeiro Mato. Idioma e sociedade.

Rosalía de Castro (Anxos Garcia Fonte) Cantares Gallegos.

Henrique Rivadulla “Corcón”. Cando soa a buguina.

Elvira Ribeiro. Mar de mazá.

Olga Novo. Feliz idade.

Felipe Barata. O smoking de Federer.

Berta Davila. Illa Decepción.

Suso de Toro. Un señor elegante.