Proxección de 'Jacinto'

Redacción. -

O Instituto de Estudos Chairegos (IESCHA), en colaboración coa Academia Galega do Audiovisual, coa Área de Cultura Vicepresidencia da Deputación de Lugo e co Concello de Vilalba, pon fin ás proxeccións correspondentes ás películas finalistas dos XX PREMIOS MESTRE MATEO (documentais e longametraxes). Nesta ocasión, trátase da película “JACINTO”, dirixida por Javi Camino,

A proxección terá lugar no Auditorio Municipal de Vilalba o sábado 3 de decembro de 2022, ás 20:00 horas.

SINOPSE:

Jacinto é un adulto coa mentalidade dun neno. Vive en Mallou, unha sombría aldea abandoada entre as montañas, cos seus pais e o seu porco Martiño. A morte da súa mascota e a chegada de dúas novas veciñas estranxeiras porá o seu mundo patas arriba. Jacinto sospeita que as recén chegadas son vampiras que planean rematar coa súa familia para controlar a aldea. Para impedilo, porá en práctica todo o aprendido vendo pelis de terror.

CANDIDATURAS XX PREMIOS MESTRE MATEO

Mellor longametraxe

Mellor dirección

Mellor dirección de arte

Mellor dirección de produción

Mellor guión

Mellor interpretación masculina de reparto

FICHA TCNICA:

Duración: 95’

Produtora: Vizuals Lab

Dirección: Javi Camino

Dirección de arte: Samuel Lema Ferreira

Dirección de fotografía: Francisco Arnoso “Pixi”

Dirección de produción: Xabier Eirís

Guión: Javi Camino

Reparto: Pedro Brandaríz, Anxela Baltar,

Mellor interpretación masculina protagonista

Mellor maquillaxe e perruquería

Mellor montaxe

Mellor música orixinal

Mellor vestiario Corinna Rautenberg, Miro Magariños,

Pilar Miguélez, Juanma Buiturón

Maquillaxe e perruquería: Lorena Calvo

Montaxe: Javi Camino

Música orixinal: Reserva Espiritual de Occidente (Svali y Wences Lamas)

Son: David Lagares, José Tomé

Vestiario: Lorena Calvo

Mural para Díaz Castro en Guitiriz

Redacción. -

A Nova Poesía Guitirica NPG propón ao Concello de Guitiriz a realización dun grande mural adicado ao poeta Díaz Castro. A proposta foi realizada onte á alcaldesa Marisol Morandeira no acto de presentación do libro de Man Castro por Antón de Guizán que propuxo tamén versos de Díaz Castro para os pasos de peóns da vila. A proposta foi presentada tamén polo rexistro electrónico municipal. 

A Xosé Maria Díaz Castro adicaronselle as Letras Galegas 2014 é o persoeiro máis relevante da história recente de Guitiriz e un dos poetas máis destacados da literatura galega.

Un grande mural conteibuirá ao orgullo das xentes de Guitiriz do seu bardo máis importante, inspirador da Nova Poesía Guitirica NPG e tamén ao que sexa percebido polos centos de visitantes que se achegan a Guitiriz.

Así como Vilalba ten adicado o seu a Agustín Fernández Paz, o poeta vilarego merece um lugar destacado em honra por todo o aportado ao seu concelho de orixe e nada mellor que um grande mural.

A actividade poética promovida dende os centros de ensino, Xermolos e Nova Poesía Guitirica NPG configuran a Guitiriz como um concello poético con Díaz Castro como figura referencial.

Outra das propostas manifestadas á alcaldesa foi incluir nos pasos de peóns da vila e tamén de Parga, versos do poeta local.

Guitiriz é pedra, auga...e poesía!!

"Ponte... nas ondas!", un modelo para o mundo

Redacción. -

O vindeiro 1 de decembro, na 17ª Sesión Intergobernamental da UNESCO que se vai celebrar en Rabat, vaise proclamar a inscrición de Ponte...nas ondas! como modelo de boas prácticas co patrimonio cultural inmaterial no rexistro de UNESCO. O informe favorábel do órgano avaliador publicado hai uns días fai que sexamos xa moi optimistas!

Queremos compartir con todos vós este momento tan importante para Galicia e para Portugal, o territorio onde naceu a experiencia de Ponte...nas ondas!, pois trátase da primeira inscrición tanto para Galicia como para Portugal. Ao longo destes 27 anos de existencia foron moitos os/as alumnos/as e os/as profesores/as que participaron nas actividades de Ponte...nas ondas!, as familias do alumnado e as asociacións de pais e nais que colaboraron nas accións realizadas, e as persoas e comunidades portadoras do noso patrimonio cultural inmaterial. E por suposto, as radios e os medios de comunicación que foron aliados e colaboradores imprescindíbeis.

Chegou o momento de celebrarmos xuntos esta proclamación. Queremos que vos sintades partícipes desta inscrición e que o celebredes no voso medio con algunha acción simbólica ou da forma que estimedes oportuna. O lema que queremos deixar é: 

PONTE...NAS ONDAS! UN MODELO PARA O MUNDO

Todos os recursos que están dispoñibles nas webs: (www.pontenasondas.org, www.escolasnasondas.com , www.opatrimonio.org, www.meninoscantores.com, www.naponte.com, www.coresdoatlantico.eu ) e os libro- discos editados ( Meniños Cantores 1 e 2, Na ponte, Cores do Atlántico ).

Xornadas pola diversidade

Redacción. -

O Instituto de Estudos Chairegos e o Consello da Cultura Galega, en colaboración co Concello de Vilalba, organizan as XORNADAS POLA DIVERSIDADE AFECTIVO-SEXUAL E DE XÉNERO, que se levarán a cabo na Casa da Cultura de Vilalba, os días 25 e 26 de novembro de 2022 con arreglo ao programa que se pode ler na imaxe.

Premio Trapeiro de Honra

Redacción. -

O premio Trapeiro de Honra na súa oitava edición será concedido a título póstumo a Manuel Fernandez Corral (Manuel de Lea).

Nado no lugar de Lea nos Vilares, Manuel foi unha das persoas máis queridas e respeitada tanto na súa parroquias de nacemento como na de residencia, Momán, no concello de XERMADE. 

Labrego, zoqueiro e comerciante, foi un dos principais informantes de Pastora Veres para o seu libro 'Lareira de soños' devido á súa prodiziosa memoria e sabedoria da contorna. 

O acto de entrega será a finais do mês de xaneiro e terá lugar na capela ao pé da feira de Momán, un lugar ao pé da súa casa, o de será entregada á família unha peza exclusiva elaborada pola artista Viki Rivadulla.

Foron premiad@s En anteriores edicións:

-Xosé María Díaz Castro (Póstumo).

-Romaría Labregas da Chaira

-Pepe de Cristos

-Asunción dos Ares

-Raúl Río

-Sara das Reixas

-Germán Castro

Manuel de Lea representa a unha xeración de homes que sofreron a guerra, a posguerra, a emigración nas súas famílias e outros traballos para sacar adiante a súa tribo, e no seu caso queda do viúvo con un grande número de fillos. 

Home afable e agarimoso, sentimos unha grande mágoa por non poder entregarlle o premio en vida, aínda  que queremos trasladar a quenes o trataron a nosa sentida homenaxe.

Os Vilares lareira de soños

www.facebook.com/dosvilares

Uxía e Germán Díaz na Casa do Manuel

Redacción. -

Hoxe, sábado, 19 de novembro, a partir das 20 horas, na Casa-Museo Manuel María a cantora Uxía e o zanfonista Germán Díaz deleitarán ao público asistente con Alalás e cantigas do Camiño, un espectáculo que pretende mostrar toda a beleza das músicas - históricas e imaxinadas – da tradición musical dos camiños a Compostela.

Para asistir ao concerto é necesario facer reserva (billete 5 euros) en contacto@casamuseomanuelmaria.gal ou a través do whatsapp 698177621

Novo presidente da Fundación Manuel María

Redacción. -

O padroado da Fundación Manuel María de Estudos Galegos elixiu por unanimidade a Alberte Ansede como o seu novo presidente, ocupando así a vacante no cargo provocada polo recente falecemento de Saleta Goi, viúva do escritor. A propia Saleta tivera a iniciativa de constituír a Fundación unha vez falecido Manuel María no ano 2004, co fin de reunir todo o seu legado e difundir a súa obra literaria. A Fundación foi constituída e declarada de Interese Galego no ano 2007, adquirindo inmediatamente a casa natal do escritor en Outeiro de Rei para, despois de remodelala, abrila ao público como Casa-Museo do escritor en setembro de 2013. Desde ese momento deposítase alí e móstrase ás persoas que a visistan todo o legado do escritor, a súa biblioteca, numerosos manuscritos, a rica documentación tanto en soporte de papel como de fotografías, audios, e vídeos ou a colección artística do propio poeta e o seu mobiliario e obxectos persoais.

Alberte Ansede traballou conxuntamente con Saleta na consecución deste obxectivo, e viña desempeñando o cargo de secretario da Fundación desde a súa posta en marcha. O novo presidente é profesor de Filosofía e mantivo desde a súa mocidade unha intensa relación con Manuel María e Saleta, relación que se converteu en íntima amizade unha vez que o matrimonio se trasladou a vivir á cidade da Coruña onde tamén residía o propio Alberte Ansede. Foi precisamente no Teatro Rosalía desta cidade onde o escritor chairego recibiu a súa grande homenaxe en vida, precisamente da man da entidade que presidía Alberte Ansede naquel momento, a Asociación Socio-Pedagóxica Galega.

O cargo de secretario vacante pasa a ser ocupado por Antón Laxe que vén exercendo desde o ano 2015 o traballo de encargado da Casa-Museo Manuel María.

Alberte Ansede manifestou que “o activo máis importante da nosa Fundación é o colectivo de persoas implicadas no seu traballo pois é o que fai posíbel sacar adiante proxectos e iniciativas que van moito máis aló do noso orzamento”. Nese sentido, afirmou, “a miña pretensión non é tanto suplir a Saleta -algo completamente imposíbel- senón contribuír como Presidente a fortalecer a dinámica deste colectivo, única garantía de que a obra de Manuel María siga presente na sociedade galega”. Salientou, ademais, que “o traballo e actitude de Saleta desde o falecemento de Manuel María foi admirábel desde o punto de vista humano e impagábel desde o punto de vista social. Iso foi decisivo para que hoxe a Casa-Museo Manuel María sexa a matriz dun importante proxecto cultural centrado no escritor, mais que vai máis aló del”. Como é sabido, alí celébranse, semanalmente, actividades culturais de música, teatro, cine, maxia; clubs de lectura xuvenil e de persoas adultas ou roteiros de natureza e literatura. A Casa-Museo vén publicando a obra inédita ou esgotada do escritor así como materiais para o ensino e para apoiar as visitas escolares (xogos, lecturas...); convoca concursos escolares de recitado poético e videopoemas así como importantes certames de teatro e de composicións musicais realizados sobre a obra do escritor; celebra o Convívio da Cultura Galega na carballeira emblemática de Santa Isabel en Outeiro de Rei... Todas estas son iniciativas que os novos directivos pretenden consolidar.

'Palmeiras, piueiros' de Anxo Angueira

Redacción. -

O Instituto de Estudos Chairegos (IESCHA) organiza o acto de presentación do libro, editado pola editora CHAN DA PÓLVORA “PALMEIRAS E PIUEIROS”, do que é autor ANXO ANGUEIRA, presidente da Fundación Rosalía de Castro.

O acto terá lugar o xoves 17 de novembro de 2022, ás 20:00 horas, na Casa da Cultura de Vilalba, e será presentado por Marisa Barreiro, presidenta do IESCHA.

Palmeiras, piueiros nace dun feito determinante: a morte da palmeira de Manselle, que para el simbolizaba un emblema do seu lugar natal e, ao mesmo tempo, unha refexión sobre a idea de rexurdimento na historia cultural da Galicia contemporánea. Nese suceso, desencadeouse o impulso creativo e extendenuse en múltiples dirección, nun proceso desbordante que atinxe tanto á intensidade formal como á profundidade das emocións. Máis que nunca, neste libro de Angueira, a palabra e a voz son un principio de pracer. (www.chandapolvora.gal)

Anxo Angueira (Manselle, Dodro, 1961) constrúe desde finais dos anos oitenta unha das obras máis persoais da poesía galega. A súa proposta, enxertada na intensidade do avío popular e relanzada no ámbito axitador, deixou pegadas indelebles en libros como Val de Ramirás (1989), O valo de Manselle (1996), Libro da Vertixe (1997) e Fóra do sagrado (2007). Desde finais dos noventa, internouse no cúltivo da narrativa, onde conseguiu unha grande acollida, tanto da crítica como dos lectores. Pensa nao (1999) ou Iria(2012) son algúns dos seus títulos máis celebrados. De entre os ensaios e investigacións como profesor da Universidade de Vigo, cómpre destacar A espiral no espello (2009). Das copras de Sarmiento aos cantares de Rosalía de Castro (2013), Rexurdimento: a palabra e a idea (2019) e a edición crítica da poesía de Rosalía de Castro. Foi membro fundador das Redes Escarlata (2001) e desde xuño de 2012 preside a Fundación Rosalía de Castro. (www.chandapolvora.gal)

"A viaxe do señor López" na Casa do Manuel

Redacción. -

“A viaxe do Señor López”, protagonizada polo actor e dramaturgo lucense Rubén Pérez Pombo, será o espectáculo que, este próximo sábado, 5 de novembro, ás 17 horas, se poderá presenciar no auditorio da Casa-Museo Manuel María, en Outeiro de Rei. Inícianse así as actividades que neste mes de novembro farán pasar pola Casa-Museo Paraíso Canto (12 de novembro), Uxía & Germán Díaz (19 de novembro) e Paco Nogueiras (26 de novembro).

A peza teatral deste sábado, dirixida para nenas e nenos a partir de seis anos e as súas familias, ten a seguinte sinopse: O Señor López é unha persoa solitaria, triste e gris. Un día calquera acontécelle unha desas cousas solitarias, tristes e grises tan característica do mundo dos adultos e a partir dese momento todo cambia. Monta unha compañía de teatro. Aprende a contar chistes. Fala idiomas inventados. Viaxa nunha balsa por un mundo cheo de cores e alegría. O Señor López convértese nun paxaro-inuit.

Rubén Pérez participou no pasado en proxectos teatrais coas compañías Palimoco, Microefectos Dramatúrxicos, Ítaca Teatro, así como Lucecús Teatro ou Ibuprofeno e coordinou diferentes proxectos interdisciplinares como Esperta Zoe, Rincon Literario ou Buxiganga, proxecto teatral da Deputación de Lugo. Con varias publicacións e premios como creador artístico, puxo en marcha nestes últimos anos unha compañía, Señor López Producións Teatrais, un proxecto persoal onde quere desenvolver a súa faciana máis persoal e divertida, achegando propostas educativas para o público máis novo co obxectivo de encher os teatros.