Fundación Barrié de la Maza (Vigo) presenta ata o 30 de outubro a mostra "Ricard Terré. Obras Mestras", exposición retrospectiva sobre o traballo do fotógrafo Ricard Terré (Sant Boi de Llobregat, 1928 - Vigo, 2009), cun percorrido antolóxico formado por 120 fotografías de diferente formato seleccionadas polo comisario Chema Conesa. A mostra, producida en colaboración con La Fábrica, supón unha relectura da obra deste catalán instalado en Vigo dende 1959 até o seu pasamento que abandonou a fotografía durante case tres décadas antes de proseguir, cunha ollada inmutable, unha obra que comezara nos cincuenta e que hoxe se redescobre asombrosamente moderna, unha das máis modernas da fotografía española.
Era catalán, pero pasou en Vigo a última travesía da súa vida. Ricard Terré fíxose un oco no mundo da fotografía contemporánea por achegar unha ollada moderna da realidade, que plasmou en encadres arriscados e fortes contrastes. A exposición leva por título Ricard Terré. Obras mestrase pretende facer unha relectura da obra deste artista. Coa súa obra, que se poderá ver na sede viguesa, a Fundación Barrié continúa na súa liña de achegar o máis contemporáneo da fotografía, como fixo previamente con Català-Roc, Paul Strand ou Alfred Stieglitz.
0 comentários :
Danos a túa opinión