A Voz de Vilalba acada o .gal

Redacción.-  

No marco da actual sociedade da información, o que non está en Internet non existe. O .gal é o dominio que nos corresponde como comunidade con fortes vencellos lingüísticos, culturais, históricos e sociais. Unha especie de sufixo co que identificar en Internet as páxinas escritas en galego e que se dirixan á sociedade galega nas súas comunicacións en liña que, tendo en conta a nosa dispersión no mundo, non se circunscriba a un ámbito territorial concreto.

Co obxecto de garantir a estabilidade e funcionamento do dominio .gal, o período comprendido entre o 1 de xuño e o 11 de xullo permitiu que un grupo reducido e significativo de dominios quedaran dispoñibles para a sociedade galega. O programa Pioneiros ofertou aos potenciais reservadores de dominios .gal a posibilidade de rexistrar e comezar a usar o dominio uns catro meses antes do período de rexistro xeral. Deste xeito poden dar a coñecer os seus produtos ou servizos, fomentando ao mesmo tempo un interese e unha expectación no público arredor do dominio .gal, e favorecéndose dunha publicidade adicional.

No seu permanente compromiso coa lingua e coa cultura galega, A Voz de Vilalba foi unha das noventa e tres organizacións merecedoras do dominio .gal dentro desta fase, tal e como se anunciou esta mañá en Compostela por parte dos máximos responsables da Asociación PuntoGal, nun acto celebrado no Museo do Pobo Galego. Polo tanto, www.avozdevilalba.gal será unha realidade a partires do vindeiro 25 de xullo. O número de solicitudes presentadas ao programa Pioneiros foi de 134, superando ampliamente as prazas dispoñibeis; as candidaturas foron seleccionadas segundo criterios de representatividade na sociedade, en función da contribución ofrecida ao lanzamento do .gal e garantindo que todos os sectores sociais estiveran representados.

A comunidade galega no mundo, con máis de catro millóns de persoas, a nosa lingua e a nosa cultura teñen agora unha marca propia coa que identificar todos os contidos que xeramos na Rede e, así, facernos máis visibles dentro deste espazo de comunicación global. A asociación PuntoGal é unha entidade sen ánimo de lucro constituída por entidades de todos os ámbitos da sociedade galega coa finalidade de preparar, promover e presentar a candidatura para a consecución do dominio .gal para o noso país.

Os ingresos producidos pola xestión do rexistro do dominio .gal dedicaranse ao mantemento do dominio e, no caso de que se produzan beneficios, serán reinvestidos en fomentar a lingua e a cultura galegas no ámbito das novas tecnoloxías. A seguir publicamos a listaxe completa de enderezos, por orde alfabética:

· 25dexullo.gal
Xunta de Galicia

· academia.gal
Real Academia Galega

· adega.gal
Asociación para a Defensa Ecolóxica de Galiza

· aetg.gal
Asociación Enxeñeiros Telecomunicación de Galicia

· agasol.gal

Asociación de Empresas Galegas de Software Libre (AGASOL)

· age.gal

Alternativa Galega de Esquerda

· amesa.gal

A Mesa pola Normalización Lingüística

· amigosdopatrimoniodecastroverde.gal

Asociación Cultural Amigos do Patrimonio de Castroverde

· anova.gal

Anova - Irmandade Nacionalista

· ascatedrais.gal

Concello de Ribadeo

· atriga.gal

Axencia Tributaria de Galicia

· avelinodiaz.gal

Hadrián Fernández Eiros "Ardao Eiros"

· avogacia.gal

Consello da Avogacía de Galicia

· avozdevilalba.gal

A Voz de Vilalba

· axendadixital.gal

Xunta de Galicia

· bng.gal

Bloque Nacionalista Galego

· cabana.gal

Cabana Bergantiños

· cambre.gal

Cambre

· carballo.gal

Carballo

· castrelo.gal

Castrelo de Miño

· catedraldesantiago.gal

Catedral de Santiago

· ccoo.gal

CCOO de Galicia

· celta.gal

Real Club Celta de Vigo S.A.D.

· cesga.gal

Fundación Centro Supercomputación de Galicia

· cidadedacultura.gal

Cidade da Cultura de Galicia

· clustertic.gal

Cluster TIC de Galicia

· codigo.gal

Grupo Código Cero Comunicación

· compromiso.gal

Compromiso por Galicia

· concellodemanzaneda.gal

Manzaneda

· consellodacultura.gal

Consello da Cultura Galega

· cpeig.gal

Colexio Profesional de Enxeñeiros Informáticos de Galicia

· crea.gal

Asociación CREA directores y realizadores de Galicia

· crtvg.gal

Compañía de Radio-Televisión de Galicia

· csif.gal

Central Sindical Independiente e de Funcionarios de Galicia

· ctnl.gal

Coordinadora de Traballadores/as de Normalización da Lingua

· cultur.gal

Jose Manuel Aldea Moscoso

· cultura.gal

Xunta de Galicia

· deputacionlugo.gal

Deputación provincial de Lugo

· dinahosting.gal

Dinahosting

· editorialgalaxia.gal

Editorial Galaxia, S.A.

· elcorreogallego.gal

Editorial Compostela, S.A.

· fegamp.gal

Federación Galega de Municipos e Provincias

· feijoo.gal

Partido Popular

· fundacioncastelao.gal

Fundación Castelao

· fundacionislacouto.gal

Fundación Isla Couto

· fundacionoteropedrayo.gal

Fundación Otero Pedrayo

· gadis.gal

Gadisa Retail S.L.U.

· galicia.gal

Xunta de Galicia

· galiciacalidade.gal

Galicia Calidade

· galiciaconfidencial.gal

Xurimaru Servizos de Comunicación

· galizacig.gal

Confederación Intersindical Galega - CIG

· goberno.gal

Xunta de Galicia

· isoc.gal

Internet Society

· lavozdegalicia.gal

La Voz de Galicia S.L.U.

· liceodenoia.gal

Sociedade Cultural e Recreativa Liceo de Noia

· lingua.gal

Xunta de Galicia

· mundo-r.gal

R Cable y telecomunicaciones Galicia, S.A

· museodopobo.gal

Asociación Padroado do Museo do Pobo Galego

· ordes.gal

Ordes

· oval.gal

Cooperativa Santa María do Val S.C.G.

· parlamento.gal

Parlamento de Galicia

· pgl.gal

AssociaÇom Galega da Lingua (AGAL)

· ponteceso.gal

Ponteceso

· pontevedra.gal

Concello de Pontevedra

· portaldaspalabras.gal

Real Academia Galega e Fundación Barrié

· ppdegalicia.gal

Partido Popular

· praza.gal

Fundación Praza Pública

· presidente.gal

Xunta de Galicia

· prolingua.gal

Asociación Cultural Prolingua

· psdeg-psoe.gal

PSdeG

· R.gal

R Cable y telecomunicaciones Galicia, S.A

· radiofusion.gal

Emisoras Municipais Galegas

· radiogalega.gal

Compañía de Radio-Televisión de Galicia

· rcdeportivo.gal

Real Club Deportivo de La Coruña

· redondela.gal

Concello de Redondela

· reizentolo.gal

Rei Zentolo, S.L.

· ribadeo.gal

Ribadeo

· sermosgaliza.gal

Sermos Galiza, S.A.

· snccoo.gal

CCOO de Galicia

· socialistas.gal

PSdeG

· teleco.gal

Escola de Enxeñaría de Telecomunicación

· televisiondegalicia.gal

Compañía de Radio-Televisión de Galicia

· teo.gal

Teo

· turismo.gal

Xunta de Galicia

· udc.gal

Universidade da Coruña

· usc.gal

Universidade de Santiago de Compostela

· uvigo.gal

Universidade de Vigo

· valedordopobo.gal

Valedor do Pobo

· veciñosporlugo.gal

Veciños por Lugo

· vilardesantos.gal

Vilar de Santos

· xerais.gal

Edicións Xerais de Galicia

· xornalistas.gal

Colexio Profesional de Xornalistas de Galicia

· xunta.gal

Xunta de Galicia